منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: المرقَاب الشّعبي :.. (http://www.montada.mergaab.com/forumdisplay.php?f=58)
-   -   تمدحوا ياهل المدايح (http://www.montada.mergaab.com/showthread.php?t=51124)

نايف المقاطي 05-08-2010 11:11 AM

تمدحوا ياهل المدايح
 
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تمدحوا ياهل المدايح بالاقوال=وارقوا سنام المرجله بالدعايه
وابنولكم في راس مرقابه حلال=مامثلها بين البنايا بنايه
وبمجلسه حطولكم كيف ودلال=وقهووا قليل المعرفه بالغوايه
ومدوا سوالفكم على كل منوال=وشدوا وقدوا في فصول الروايه
وسوولكم منها حكايات وابطال=وافعال شجعانٍ على كل غايه
وغنوبها مابين جهال واطفال=واسعوبها فارجا جميع الولايه
ومادام حصّلتولكم فيه مقيال=ظلوا بظله لين تاتِ النهايه
حتى توطاكم براهين الافعال=ويصير لاهل الفعل برهان وآيه
افعال ماتقبل تشاكيك وجدال=والها على روس المراقيب رايه
اللي لها بين العرب ثوب ورجال=تلبسلها لبس الشرف والدرايه
وتقفلبها قصر المراجل بالاقفال=عن كل مطّفل وطامع وتايه
ماعاد لاهل الفبركه فيه مدخال=ولا ينفتح بابه لغادي وبايه
[/poem]

غيمار

عادل العصيمي 05-08-2010 12:16 PM

نايف المقاطي


صح لسانك على القصيدة الهادفة


لا هنت


,

بدر ناصر المورقي 05-08-2010 01:28 PM

وغنوبها مابين جهـال واطفـال
واسعوبها فارجا جميع الولايـه
ومادام حصّلتولكم فيـه مقيـال
ظلوا بظله ليـن تـاتِ النهايـه
حتى توطاكم براهيـن الافعـال
ويصير لاهل الفعل برهان وآيه

ياسلام يانايف ياسلام

نص رائع وموضوع اروع وهادف

صح لسانك مدد

تحياتي

سداح 05-08-2010 02:37 PM

والله انها ذهب صافي يا نايف

لله درك على هذا النظم الفريد
ولم تذكر سوى كلام الحق والنور بادي

صح لسانك يا الشاعر المبدع

ولاعدمناك ،،

نواف نايف 05-08-2010 03:29 PM

مرحبا بالشعر الحقيقي والصافي :)


صح لسانك ياغيمار مليار :)


تجديد اعجاب ومتابعة ...

عبدالرحمن السمين 05-08-2010 04:43 PM

غيمار ,.
مبدع وجزل ورائع ,.
صح لسانك مددددد ,
مودتي لك .

د . حمد العصيمي 05-08-2010 04:57 PM

لله درررك يانايف لله درررك نحت من صخر ونقش في الحجر لله درررك

فالح الشلوي 05-08-2010 07:57 PM

تمدحوا ياهل المدايـح بالاقـوال
وارقوا سنام المرجله بالدعايـه
وابنولكم في راس مرقابه حلال
مامثلهـا بيـن البنايـا بنـايـه
وبمجلسه حطولكم كيـف ودلال
وقهووا قليل المعرفـه بالغوايـه



ياكثرررررررهم يانااااااااايف


صح لسسسانك يانقي وقصيدة في الصميمممممممممممممممممم !

حمد الدليهي 05-08-2010 08:12 PM

وسوولكم منها حكايات وابطـال
وافعال شجعانٍ على كـل غايـه

:
:

نص يعبر عن مافي صدور شريحه كبيره من المجتمع الشعبي ..
لله درك وصح لسانك

غلاب بن عايض 05-08-2010 08:56 PM

اي بالله قصيده هادفه

وعوايدك يانايف الابداع صح لسانك ..

بدر ناصر العجمي 05-08-2010 09:08 PM

يا مرحبا يا المقاطي
ابدعت وامتعت جعلك ما تلجم
وصح لسانك ولا هنت

سعد بن وسام 06-08-2010 12:20 AM

الله الله الله

صح الله السانك يانايف ,

عزالله قصيدةً يوقف دونها الحكي ,

سلمت وسجل اعجابي ,

,

خالد الحربي 06-08-2010 12:47 AM

صح لسانك اخوي الغالي نايف المقاطي

قصيدة رائعة وجميلة وتحمل الكثير من المعاني

لك كل الشكر والتقدير على هذا الابداع

وتقبل مروري المتواضع اخي نايف

نايف المقاطي 06-08-2010 10:10 AM

عادل العصيمي

الف شكر لمرورك وصح بدنك

غيمار

محسن المقاطي 06-08-2010 10:54 AM

صح لسآنك يا نآيف ,,,,


احترامي وموودتي ,,

سلطان العطاوي 06-08-2010 08:55 PM

يا حبني لك ولشعرك
لله درك
لله درك
لله درك
لله درك

تحيتي القلبيه

نايف المقاطي 07-08-2010 07:14 AM

بدر ناصر المورقي

روعته تكمن في مرورك ومرور شرواك

كل الشكر على ذلك وصح بدنك

غيمار

نايف المقاطي 08-08-2010 06:44 AM

اقتباس:

المشاركة الأصلية كتبت بواسطة سداح (المشاركة 1290804)
والله انها ذهب صافي يا نايف

لله درك على هذا النظم الفريد
ولم تذكر سوى كلام الحق والنور بادي

صح لسانك يا الشاعر المبدع

ولاعدمناك ،،


ماعندي الا القليل مما عندك ياشاعرنا الخلوق

وأشكر لك كرم مرورك ومجاملتك لأخيك

وصح بدنك ... لاخلى ولا عدم

غيمار

بنــدر 08-08-2010 05:02 PM

اللي لها بين العرب ثوب ورجال
تلبسلها لبس الشـرف والدرايـه
وتقفلبها قصر المراجل بالاقفـال
عن كل مطّفـل وطامـع وتايـه
ماعاد لاهل الفبركه فيه مدخـال
ولا ينفتح بابـه لغـادي وبايـه


الله الله الله الله

بدع من الوزن الثقيل يانايف


صح لسانك مليوون


تحياتي

نايف المقاطي 09-08-2010 11:05 PM

نواف نايف

شهاده تشرفني وأتمنى أن يكون كما قلت

صح بدنك وإعجابك يزيد ماأكتب قيمه


غيمار

نايف المقاطي 11-08-2010 02:06 AM

عبدالرحمن السمين

الف شكر يالذيب لمرورك

وصح بدنك وسلمت

غيمار

نواف المطيري 11-08-2010 11:36 AM

نآيف آلمقآطي

سلمت
وصح لسآنك مليون
ولآ هنت


كل آلود


جميع الأوقات بتوقيت GMT +3. الساعة الآن 08:18 PM.

Powered by vBulletin® Version 3.8.6
Copyright ©2000 - 2019, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية