الموضوع: ( مقتطفاتي )
عرض مشاركة واحدة
قديم 27-09-2009, 09:43 PM   #181
شاعرة نجد
(*( عضوة )*)


الصورة الرمزية شاعرة نجد
شاعرة نجد غير متصل

بيانات اضافيه [ + ]
 رقم العضوية : 1786
 تاريخ التسجيل :  Feb 2008
 أخر زيارة : 01-09-2019 (02:19 PM)
 المشاركات : 4,959 [ + ]
 زيارات الملف الشخصي : 19899
لوني المفضل : sienna


يقول الشاعر/كديميس السيحاني:


[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا لو سج فكري وامطرت دهم المزون اشعـار=تخيلت اني بنجـد العذيـه والسمـاء صافـي
اسج الرجل بالممشى ما بين المزرعه والـدار=من الرشاش سقيا المزرعه والغصن غريافـي
رذاذ الماء ليا هب الهواء مامعه نسف غبـار=معه يحمل رياحين الـزروع ويمنـع السافـي
مع المنظر همومي كلها عنـي تـروح يسـار=و تروح الضيقة اللي في الحنايا سمها خافـي
وليا من الغسق قرّب ردمت من السمر في النار=سناها يجذب اللي من بعيـد الديـره يشافـي
[/poem]


أعجبتني أبيات الشاعر ورغبت في مجاراته..




[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أبياتك ياجزيل القاف ثـارت فينـي التذكـار=وتذكّرت المـزارع والأهـل والقلـب ميلافـي
مزارعنا حقيقه ماكتبت إمـن الخيـال أفكـار=أصـوّر مزرعتنـا واتخيّلهـا علـى قـافـي
ألا يامزرعـة (.....) ألا يامنتجـع ل/اخْيَـار=ألا يانبـع ماهـا العـذب ياشلالهـا الدافـي
مع الرشاش لامن أشتغل والزرع ريحـه ثـار=على وقت الغروب يْصـوّر الفنـان ماشافـي
وقصر المزرعه حوله زرعنا روعة الأشجـار=تحتها الجلسه اللي جوّهـا ماهـوب ينعافـي
مَعَ لمّة حبايب قلبي امن كْبار ومْـن صْغـار=ودلال الكيف في يدين النشامـا بنّهـا وافـي
وإلى من السحاب المدلهم أستوقـف الأنظـار=تباشرنـا بْشوفـه والرعـد لاقـوّم الغافـي
يطيب الوقت لامنهـا علينـا هلّـت الأمطـار=وعلى ذيك النفود اللي طرفها حولنـا ضافـي
نشوف السيل وسط المزرعه يجري مع المعبار=على تصميم رائع هندسـي ممتـع وجغرافـي
وإلى من المطر جهّى وثارت ريحـة الأزهـار=هذاك المنظر الخلاب شوفـه لاحصـل كافـي [/poem]


 
 توقيع : شاعرة نجد

بلاش نكشف خافي الروح ونـروح=نـــطـــرد ورى الاحــــــلام مـاعـبّـرتـنــا
نرهق مشاعرنا على غير مصلوح=واســـــرارنـــــا واعـــــذارنـــــا كــبّــرتـــنـــا
نرجي تزين وجاير الوقت مفضوح=يـجـتـاحـنـا لـــــو قــســوتــه صـبّـرتــنــا
ليت الوصل دايـم ميسّـر ومسمـوح=ولـــيـــت الــلــيــال بـغـيـبـهــا خـبّـرتــنــا


رد مع اقتباس