أصوات الضلوع ..!!!

يمكن غريبة من عجايب طبوعي /

لاصار همّي حيّ وأفراحي أموات


يجي الكلام بدون قصدي وطوعي/

يبيّن الّي في حشى الروح يقتات


ومن قبل لاتحكي كلامي ضلوعي/

ماكنت اصدق بإن لضلوعي أصوات



سلام عليكم ورحمة الله وبركاتة


والصلاة والسلام على من لانبي بعده


هنا تدوين وتوثيق


أتمنى أن يكون المكان مزدهر بكم وإن حصل تجاوز وهفوة فالنقص من طبع البشر والكمال لله وحده



وحيّا الله الجميع

عليك ياحمص العديّة سلامي =بعد لبستي بالزمن سود الأكفان
تلحفّي جرحك ودمك ونامي = لاتحترين اليوم فزعات الأخوان

ياكم حزن(ن)يحتري خاطري ضيف =وياكم حزن(ن)في عذابه وصلنّي
وين الفرح أسمع بطرياه ماشيف = كنّه مع الأيام راح وهجرنّي
حتّى المشاعر جت خذتها الصواديف = جتني عواصيف الزمان ورمنّي
ماهي حقيقة في حياتي ترى زيف = الجادل الّي في ضلوعي تعنّي
جتني ركايبها عطاشى ملاهيف = ومن عدّ قلبي بالغرام إرتونّي
وراحت بليّا أسباب عنّي مناكيف =قفّت بعد رمح الملامة طعنّي
جتني وله مع عشق شوق (ن)مراديف =وخلت بعدها كل عرق يونّي
متى ووين وليه ياخافقي كيف = خليتّها في داخلك ترجهنّي
اخيلها بروحي مثل غيمة الصيف = لكنّ فيها للأسف خاب ظنّي
يوم القلوب قلوب كانت مواليف = واليوم في هجر الشقا يكتونّي
ويوم القلوب تموت مابه تحاسيف = مادام لإحساس الوفاء ماحتونّي
ياليتها خلت بعيني لها طيف = ياليت لكن مايفيد التمنّي

مات الوله بين الحناياوانا اشوف = بآخر رمق تنبض بواقي حياته
يجرحني العذال ويجتاحني خوف = على البقايا صرت الحف عباته
حبيبتي والدمع بعيوني سيوف = لاسلها حزني تموت عبراته
يالّي عيونه لونها ماله وصوف = من شافها ساوت حياته مماته
هواك يرميني من حتوف لحتوف = خليت من بعضي لبعضي شماته
مثل السراب اضماك واتبعك ملهوف = والكون ضاقت في غيابك جهاته
اشتاقلك من لوعتك يحترق جوف =والقلب في لاماك يبست لهاته
قلبن يعيشك نبض في نومي طيوف =حتى الهموم بحلو الاحلام جاته
يدعيه شوق وعشق ويردد الاووف = واقصى الاماني فيه تهداء آهاته
مازاال باقيلك بجدرانه حروف = تثبت برغم القلب زايد شتاته
ولو مرت الخاطر صواديف وظروف =يوفي ولو دار الزمان برحاته

تعال واحضنّي تراني تبعثرت =في غيبتك ماعدت أنا مثلي أوّل
تعال شفني في غيابك تناثرت = حالي بعد ماغبت كله تحوّل
طغيت ببعادك نسيت وتجبرّت = تعبت من قلب(ن) لشوفك معوّل
حاولت نسيانك لكنّي تعثّرت = بطيوفك الّي في عروقي تجوّل
سنّدت فوق ضلوعي صدري وحدرّت = وأنا لهواك الصبّ منك أتسوّل
لا لاتظن أنّي على العشق كابرت = لونك تشوف العشق فيني تهوّل

ياستاذتي في العشق يكفيني دروس = منهاج حبك صعب ماظنّي أنجح
أنا اجتهدت ولكن الحظ منحوس =ضيعتنّي والقلب بالشوق يسجح
أنا اعترف في مهجتي صرت مغروس = وإنك لحالك في فؤادي تمرجح
وفي كل ليلة تأتي طيوفك عسوس = حتّى غديت بداخل القلب تمجح
حاولت أبنسى لكن الجرح محسوس = وفي كل مرة عزّة النفس ترجح
يابنت مافالحب ريّس ومريوس =خسران منهو بالمشاعر تبجح

ياستاذتي في العشق يكفينـي دروس
منهاج حبك صعـب ماظنّـي أنجـح

بيت مميز,وأبدااع منقطع النظير
صح لسانك ماجد

متابعه,’’

المشاركة الأصلية كتبت بواسطة شاعرة نجد

ياستاذتي في العشق يكفينـي دروس
منهاج حبك صعـب ماظنّـي أنجـح

بيت مميز,وأبدااع منقطع النظير
صح لسانك ماجد

متابعه,’’

يامرحبا ياشاعرتنا والله يحييّك والله


تشرفّت بك هنا وبسموّك



ماجد

بين العزاء والعيد وصدوف الأيام

ــــــــــــــــــــــــــــــــــــــــــــــــــ ــــ حالة غريبة داخل الروح جتني


مرحوم يامن مات في عيد الأسلام
ــــــــــــــــــــــــــــــــــــــــــــــــــ ــــــأفراح عيدي من مصابك جفتني

يامن كتبتك عشق في بضعة ابيات =ترى الوجيه تخيب محدن عبدها
يتيه رأيي مالقيت المسرات =ويصير كحل العين سبة رمدها
يحرم على نفسي تعيش المتاهات=واعيش في دنياي حسبة عددها
لي هامة ماترتخي للملذات =ولي عزتن في دنيتي معتمدها
حتيش لو راحت وحتيش لاجات =شيهانة طاحت على اول هددها
خابتبها ظنوني وقد. خاب هقوات =برجال خل اللي تنقض جعدها
قد قلت لك ياصاحبي خافقي مات=خل المشاعر تنحبس في لحدها
لاتثير قلبن مكتفي بالذي فات=ياما سهر من ليلة مارقدها
الفقد والخذلان في جوفه يبات=والهم بعروقه يجول وعقدها
جيته وخليته من العشق يقتات =وانعشت فيه عروق غيرك حصدها
ياليتني ياليتني عنك بالذات=صديت عنك ولا التفتلك بعدها
لكن دخلت الروح والقلب بسكات =وشبيت نارن مايطفّى وقدها
من بعدها روّح عساها مسرات=دنياك وتلاقي بعمرك رغدها

ناديت حتّى الصوت من عبرتي بح = ورجع صدى صوتي يردد أنيني
تعبت من شوقً على خاطري لح = يعن لي بالروح في كل حيني
جرحي تدمى في غيابه ولا صح = وتحرقني الأشواق وتذوب فيني
يدري أحبه حيل وبمواصله شح = حتّى في حلمي شح طيفه يجيني
أيه اعشقه والصدر من غيبته فح = ولوقلت أبنسى صورته وسط عيني
الصح بغيابه خطأ والخطأ صح = ماعاد أميّز كيف تمضي سنيني
ياذا الشعور الي غشى مهجتي رح = للي رحل يمكن يحس بحنيني
وليا لفاني تهت به والزعل بح = واعاتبه مابين نفسي وبيني

اشتقت لي ولاّ باقي

يامالي احداقي

عشق

ويامالي آفاقي

ألم

وجروحك بريحة حبق


تموج بأعماقي

بنت جميلة توشحت علم الكويت في فبراير

وتحاول ان تضم طيور الجو



ياكويت فوق الأرض تمشين غادة

حسنك ووصفك فاق كل المزايين

مايكفي قلوب البشر لك قلادة

حتى طيور الجو ودك تضمين

تمادي في ذرى روحي تمادي

ترى مانتي بعيني شخص عادي

ملكتي كل معنى للمحبة

ولا غيرك كسر فيني عنادي

واذا تعذيب من يعشق وهجره

نتيجة كل عشق في بلادي

يمرني منك الحنين

ويشعل رماد الذاكرة

تعال ولّا 00لاتبين

منك الحنايا عامرة

يكفيك مني هالسنين

مرت وكانت غابرة

أهات وأحزان وأنين

وعيون لأجلك ساهرة

احباب قلبي الغادرين

ردوّا عليّه ورجعوا

يا اطلالهم جرحي مكين

من يوم عنّي ودّعوا

ناديتهم في كل حين

لكن راحوا ماسمعوا

وخلولي القلب الطعين

ماكنهم فيه أرتعوا

واليوم جوني زائرين

ولكل ماضيهم نعوا

قد كنت أخاف من الفراق
اليوم أخاف من اللقى
من كثر ماحسّ اشتياق
حبيّت إحساس الشقى